Dr. Urata Efendija Beqa është mjeke specialiste e pediatrisë me përvojë mbi 20 vjeçare. Gjatë punës së saj, ajo kujdeset që çdo fëmijë të marrë kujdesin më të mirë të mundshëm. Kjo përfshin edhe vaksinimin e rregullt, të cilin ajo e rekomandon në çdo vizitë.
Mbrojtjen më të mirë ndaj sëmundjeve të rrezikshme ajo e ka siguruar edhe për mbesën e saj 4-vjeçare, Freia, e cila i ka marrë të gjitha vaksinat sipas kalendarit të rregullt.
Vaksinimi është një ndër ndërhyrjet më të suksesshme të shëndetit publik. Vaksinat kanë shpëtuar më shumë se 150 milionë jetë gjatë 50 viteve të fundit. Sot më shumë fëmijë jetojnë, vijojnë shkollimin dhe rriten të shëndetshëm falë vaksinimit.