Më 17–18 dhjetor 2025, në IKSHPK – Laboratorin Referent për Rezistencë Antimikrobike u mbajt trajnimi praktik “Izolimi, identifikimi dhe rezistenca antimikrobike e baktereve anaerobe”, në funksion të forcimit të kapaciteteve profesionale në diagnostikimin dhe interpretimin e rezistencës antimikrobike të baktereve anaerobe.
Ky aktivitet është pjesë e Planit të Veprimit për Rezistencën Antimikrobike të Kosovës dhe kontribuon në përmirësimin e mbikëqyrjes laboratorike dhe cilësisë së diagnostikimit.
Trajnimi përfshiu pjesë teorike dhe praktike: kultivim në kushte anaerobe, identifikim mikroskopik/makroskopik, përdorim të MALDI-TOF MS VITEK dhe VITEK 2 Compact, si dhe përgatitje e interpretim të antibiogramit sipas EUCAST.
Ligjëratat u mbajtën nga Dr. Afërdita Kuqi dhe Dr. Afërdita Kurti, ndërsa pjesa praktike u udhëhoq nga Dr. Arsim Kurti, Sami Kuqi dhe Majlinda Neziri.
Trajnimi përfaqëson një hap të rëndësishëm drejt standardizimit të praktikave mikrobiologjike, përmirësimit të diagnostikimit dhe forcimit të kapaciteteve kombëtare, me mbështetjen e Robert Koch Institute, duke theksuar bashkëpunimin ndërkombëtar dhe angazhimin e IKSHPK-së në luftën kundër rezistencës antimikrobike.