Me datat 15 dhe 16 Shtator 2025, në Institutin Kombëtar të Shëndetësisë Publike të Kosovës, në Laboratorin e Mikrobiologjisë së Ushqimit të Departamentit të Ekologjisë Humane, nën udhëheqjen e Dr. Arbëresha Jaka-Loxha së bashku me laborantët Vehbi Tahiri dhe Art Nurboja, është mbajtur trajnim me mikrobiologët dhe laborantët nga Qendrat Rajonale të Shëndetit Publik.
Pjesëmarrësit patën mundësinë të ndjekin nga afër procedurën e punës për izolimin e baktereve patogjene në mostrat e ushqimit me VIDAS KUBE, ndërsa qëllimi i trajnimit ishte që QRSHP-të të aftësohen dhe të fillojnë zbatimin praktik të këtyre procedurave me këtë aparaturë.
Aftësitë e fituara nga trajnimi:
• Përgatitja e mostrës hap pas hapi
• Leximi me VIDAS KUBE
• Interpretimi i rezultateve
Departamenti i Ekologjisë Humane mbetet i përkushtuar në përmirësimin e kapaciteteve profesionale dhe laboratorike për identifikim të saktë dhe efikas të mikroorganizmave patogjenë në ushqim.