Në Institutin Kombëtar të Shëndetësisë Publike të Kosovës janë përmbyllur me sukses sesionet e Shkollës Verore SSPH+ Lugano (SSPH+ LSS), pjesë e HUB Kosova.
Në ditën e fundit të këtij programi u diskutuan tema me rëndësi të veçantë për shëndetin publik si: Kujdesi për sëmundjet jo të transmetueshme (NCDs) dhe roli i Kujdesit Parësor Shëndetësor si dhe sfidat aktuale në menaxhimin e tyre me diskutime ndërvepruese dhe praktike.
Ky program vazhdon të kontribuojë në fuqizimin e kapaciteteve të profesionistëve shëndetësorë në Kosovë, duke sjellë përvoja ndërkombëtare dhe qasje inovative për përmirësimin e shëndetit publik.