Instituti Kombëtar i Shëndetësisë Publike të Kosovës (IKSHPK) përcolli në pension me falënderime dhe respekt Dr. Sevdie Mehmeti Topallin, specialiste e mikrobiologjisë dhe Drejtoreshë e Qendrës Rajonale të Shëndetësisë Publike në Ferizaj.
Dr Mehmeti Topalli për 27 vite ka dhënë kontribut të çmuar në fushën e shëndetit publik. Gjatë karrierës së saj, ajo është dalluar për përkushtimin, profesionalizmin dhe udhëheqjen e saj në nivel rajonal, duke kontribuar në mbrojtjen dhe promovimin e shëndetit të popullatës.
Në një ceremoni rasti, Drejtoresha e IKSHPK-së, Dr. Ardita Baraku, e falënderoi atë për angazhimin dhe kontributin e saj ndër vite, duke e vlerësuar si një profesioniste të zellshme dhe udhëheqëse të përkushtuar në arritjen e objektivave profesionale.
Në këtë etapë të re të jetës, IKSHPK i uron Dr. Sevdie Mehmeti Topallit shëndet të mirë, lumturi dhe gëzime pranë familjes dhe të dashurve të saj.