Ekipet mobile të Institutit Kombëtar të Shëndetësisë Publike të Kosovës kanë filluar sot, më 16 maj 2025, vaksinimin e besimtarëve myslimanë nga regjioni i Ferizajt, që planifikojnë të udhëtojnë për kryerjen e Haxhit në Mekë.
Ky aktivitet po realizohet në bashkëpunim me Qendrat Rajonale të Shëndetit Publik, Qendrën Kryesore të Mjekësisë Familjare/ Njësia e Vaksinimit, dhe Bashkësinë Islame të Kosovës, me qëllim të mbrojtjes së shëndetit publik dhe përmbushjes së kërkesave ndërkombëtare të vaksinimit, për udhëtarët në vendet e shenjta islame.
Vaksinimi përfshin vaksinën kundër meningjitit, të kërkuar nga autoritetet saudite, për hyrjen në Mekë gjatë sezonit të Haxhit.
Procesi i vaksinimit për regjionin e Prishtinës dhe Mitrovicës është realizuar më herët, ndërsa gjatë fundjavës pritet të vazhdojë në regjionin e Pejës, Gjilanit, Prizrenit dhe Gjakovës.