Në kuadër të Muajit të ndërgjegjësimit për kancerin e gjirit, Instituti Kombëtar i Shëndetësisë Publike të Kosovës, përmes Qendrave Rajonale të Shëndetit Publik dhe në bashkëpunim me institucionet shëndetësore, arsimore dhe partnerët lokalë, po realizon aktivitete të shumta ndërgjegjësuese në të gjitha rajonet e Kosovës.
Pejë: Aktivitete solidariteti, përfshirë dhurimin e flokëve në mbështetje të grave që përballen me kancerin e gjirit, si dhe ligjërata edukativo-shëndetësore, përfshirë edhe Policinë Rajonale, Prokurorinë Themelore, QKMF, SHFMU “8 Marsi”.
Prizren: Mbjellje simbolike e fidaneve nga gratë e mbijetuara dhe OJQ-ja “Burrneshat”, si dhe ligjërata edukativo-shëndetësore në Zhur, Dragash, Vërmicë, QKMF Suharekë.
Mitrovicë: Marsh tradicional në shenjë solidariteti dhe ndërgjegjësimi për kancerin e gjirit, ligjërata edukativo-shëndetësore në Mitrovicë, Vushtrri, Skenderaj.
Gjilan: Ligjërata edukativo-shëndetësore në SHFMU “Fetah Qerimi”, në Verbicë, SHFMU “Halil Alidema” në Viti.
Ferizaj: Ligjërata edukativo-shëndetësore në Drejtorinë Rajonale të Policisë Ferizaj dhe në kopshtet “KiddyAcademy”, “Dialogus”, “Engjujt”, QMF – 2, në bashkëpunim me QKMF Kaçanik ligjëratë në Kuvendin komunal.
Prishtinë: Ligjërata ndërgjegjësuese në Gjimnazin “Xhevdet Doda”, SHMM “Dr. Ali Sokoli”, Shkolla e Muzikës “Prenk Jakova”, SHFMU “Ali Kelmendi” në Barilevë, SHFMU “Hilmi Rakovica” në Vranjevc, SHFMU “Naim Frashëri”, SHFMU “Pjetër Bogdani”.
Përmes këtyre aktiviteteve, synohet rritja e ndërgjegjësimit për faktorët e rrezikut, njohja e shenjave dhe simptomave, rëndësia e kontrolleve të rregullta dhe zbulimi i hershëm i kancerit të gjirit.
Kujdesi për shëndetin fillon me informimin dhe veprimin në kohë!
🎀 Kontrollohu, për veten, për jetën!
#TetoriRozë #IKShPK #KanceriIGjirit #ZbulimiIHershëm #ShëndetiIGruas